Kryeministri i Shqipërisë, Edi Rama, pas fitores së Macron si presidenti i ri në Francë, ka ironizuar me kreun e PD-së, Lulzim Basha dhe çadrën e opozitës.
Numri një i qeverisë, në profilin e tij në rrjetin social “Facebook” ka postuar një fotomontazh të Le Pen, me shënimin “Që sot do ngrejë çadrat te kulla Eifel, do kërkoj numërim elektronik”.
Mirëpo, duket se ndjekësit e tij nuk e kanë gjetur me vend ironinë, ndërsa i janë përveshur me komente. Nga ana tjetër, edhe Rama nuk ka qenë i kursyer në përgjigje.
Ja replikat
Komentuesi: Jetojmë në vendin e çudirave, dikur krahasoheshim me Gjermaninë sot me Francën, dhe jemi të vetëdijshëm që jemi 1 milionë vite mbrapa… Nëjse mirë që nuk paguajmë për ajrin…
Rama: Dritan, mos u mërzit, iku Çadra po ti na ke ne
Komentuesi: Kryeminstër që vet folën, vet qeshën, Si kjo në foto, si juve, si ai në çadër jeni të gjithë të shitur tek kthetrat e shejtanit.
Rama: Ah Artan, ti qenke në kthetrat e xhebrailit me gjithë këto femra që ëndërroke.
Komentuesi: Që Sfitoj Kjo Se Do Tkishte Marr Lumi o ShalëGjatë, Se Me TRUMP u Dogje i Her
Rama:Qesh mire kush qesh i fundit An Di dhe mos u mërzit pse je i shkurtër, rëndësi ka mendja sa larg të çon jo trupi sa lart të ngjit
Komentuesi: Mirë që prite me postu se ishe djeg si me parashikimet për Donald Trump.
Rama: Ardit, unë nuk merrem me parashikime se nuk e pi kafen turke